Пицца рецепт на казахском
Жексенбілік дастархан: тез пісірілетін пицца. Пицца рецепт қазақша
Бүгін «Аспаздық» айдарында оқырмандарымызбен пицца дайындау әдісімен бөліскелі отырмыз. Бұл пиццаның дайындалу әдісі оңай, әрі тез. Сондай-ақ қашанда тоңазытқыштан табылатын ингредиенттерден тұрады.
Пиццаның қамырын дайындау үшін:
— 2 стақан ұн
— 0,5 стақан сүт
— 2 жұмыртқа
— 0,5 шәй қасық тұз
— 3 үлкен қасық сұйық май
Ал, ішіне өзіңіздің талғамыңызға қарай ірімшік, бұрыш, майонез, кетчуп, қызанақ сынды т.б. нәрселер салсаңыз болады.
Пиццаның қамырын дайындау үшін алдымен:
Ұн мен тұзды бөлек табада араластырып аламыз.
Жұмыртқа, сүт пен сұйық майды екінші табада араластырып аламыз.
Сөйтіп ұн мен тұз араласқан табаға дайын сұйықтықты сұямыз.
Қамырды илеп, 30 минутқа үстін сүлгімен жауып қойып қоямыз.
30 минуттан кейін қамырды екіге бөліп, оқтаумен илей отырып пиццаның пішініне келтіреміз.
Үстіне майонез бен кетчупты жағамыз.
Сырды үгітіп салып, үстіне қара бұрыш себеміз де ыстық пешке 25 минутқа салып қоямыз.
Пицца дайын! Асыңыз дәмді болсын!
Пицца дайындаған: Айнұр Ракишева